10 معلومات هامة عن اللينكس قد تجهلها :

1- اللينكس مش نظام تشغيل
اللينكس هو Kernel (نواة) لآلاف الاصدارات من أنظمة التشغيل ...يعنى ايه؟
يعنى هو الحاجة اللى بيتبنى عليها نظام التشغيل و ممكن يتطور عليها اكتر من نظام تشغيل تانى ﻻنه ببساطة Open Source وفيه آلاف من انظمة التشغيل المطورة على نواة اللينكس.

2- ممكن تجربه من غير ما تسطبه
انت مش محتاج تشيل الويندوز وتنزل linux عشان تجربه :لا ده انت ممكن تجربه باستخدام Virtual machine ،او تنزل liveUSB version وتجربه من على الفلاشة .

3- ممكن تستخدم اكتر من desktop
تخيل نفسك شغال على جهاز واحد باكتر من desktop ، كل واحد عليه اللى انت محتاجه فى وقت معين تقدر تفصل بسهوله وتركز فى اللى انت بتعمله.

4- اللينكس بيحتاج configurations اقل من الويندوز
ساعات كتير لما بنوصل فلاشة أو ماوس جديد بالكمبيوتر مبيشتغلش عشان مش لاقى الـ Driver بتاعه ،المشكلة دى مش موجودة فى اللينكس لانه بيدور على الـ Driver وبينزله .automatic

5- الـ Linux سهل تعدله وتشكله لاكتر حاجة مناسبه لإستخدامك
وده لإنه Open source يعنى كل حاجة فيه قابلة للتعديل.

6- بيشتغل بكفائة عالية على الأجهزة القديمة
اللينكس صغير وخفيف وممكن تتسخدمه على انواع كتير من الـ Electronics زى الـ DVD players والعربيات

7- الـ Command System
اللينكس فيه Command system بتتيح انك تعمل tools سريعة تستخدمها من غير ما تحتاج بيئة عمل خاصة و ده بيوفرلك امكانيات كتير جدا وبيوفرلك مجهود ووقتك على عكس ما الناس متخيلة وبيخافوا من شاشة الـ Terminal .

8- اللينكس مجانى ،ولكن يدعم من شركات كبيرة
زى ما كلنا بنسمع انه مجانى .. بس نسخ الـ linux المعروفة بتدعمها شركات كبيرة وده بيخليها رغم انها مجانية .. الا ان دعمها زى النسخ المدفوعة ومش هتحتاج تنزل كراكات عشان تشغله .

9- الـ Update مبيحتاجش restart
انسى ان الكمبيوتر يعمل restart خمس ست مرات عشان ينزل الـ Updates الـ Linux بينزل الـ updates كلها مرة واحدة من غير ولا Restart واحد

10 - ممكن تشغل عليه برامج الويندوز
فى مشروع كبير اسمه WINE وده بيسمحلك انك تشغل معظم برامج الويندوز على الـ linux